فطائر بالجبن او خرين بالطون
المقادير
3 كسان عنبة طحين
بيضة
م ك خميرة الخبز
ربع كاس زيت
3 م ك حليب غبرة
م ك سنيدة
واحد فانيليا
ملحة
ماء دافئ باش تجمع العجينة
تنخلطو العناصر كلها ماعدا الماء
تنبسبسوها كما فالصورة عاد انجمعوها بالما دافئ او انخلوها ترتاح ساعة
هاهي من بعد ساعة
الحشوة الاولى غدي نستعملو فرماج الكاسات كريم فريش تكون عاقدة ماشي الجارية او فرماج محكوك اي نوع عندكم الا مكان فرماج الكاسات استعملو فرماج مربع
تنعملو من العجينة كويرات صغار
تنسرحهم بحال لي فالصورة او تندخلهم للفران
ملي اطيبو منالاسفل تنخرجهم بالزربة تنديرو لكريم فريش فوقها فرماج الكاسات في الاخير فرماج محكوك
تنرجعوها للفران تكمل طياب من الفوق
العافية من الفوق
عند التقديم تنزوقهم بالعسل
الحشوة الثانية طون بصوص ديال مطيشة
تنسرح الكرة تنوظع الحشو
تنخلوها ترتاح 10 دقايق اندخلوها للفران طيب
هاهي ملي خرجت من الفران
في امان الله.
ليست هناك تعليقات:
إرسال تعليق